伯希和

出自維基百科,自由嘅百科全書
跳去: 定向搵嘢
伯希和
Paul Pelliot
Pelliotcave2.jpg
伯希和調查緊敦煌莫高窟藏經洞嘅文書、經典(30歲)
出世 1878年5月28號
法國巴黎
1945年10月26號
法國巴黎
死因 癌症
國籍  法國
語言 法文
英文
德文
俄文
中文
波斯文
藏文
阿拉伯文
越南文
蒙古文
土耳其文
吐火羅文
梵文
教育程度 大學
職業 語言學者、探險家、漢學家
伯希和嘅探險旅程

伯希和粵拼baak3 hei1 wo4法文Paul Pelliot1878年5月28號1945年10月26號)係法國著名嘅漢學家,亦係中亞探險家,佢收集咗好多文物,將佢哋運去法國,當中最有名嘅係敦煌文獻。最初佢跟住外國使節團入來,從而開始研究中國。佢精通13種語文。伯希和淨單係探查過中亞一次,但就帶來咗好多文物。

初期嘅活躍[編輯]

伯希和出生喺巴黎,佢係法蘭西公學院嘅東方學者薛旺·李維法文Sylvain Lévi沙畹嘅弟子,喺佢哋之下學嘢。之後伯希和去喺法屬印支河內法國遠東學院做嘢,嗰陣時爲咗學院圖書館嘅藏書收集,要購入啲漢籍,1900年派遣佢去北京。喺佢訪問北京期間,發生咗義和團運動,包圍咗北京嘅外國使館區,因而拘禁其中。喺包圍戰期間,伯希和脫出過兩次,一次搶低咗敵軍嘅軍旗,另一次爲圍困嘅人攞新鮮生果。因爲佢嘅勇猛,佢攞到咗法國榮譽軍團勳章。之後,22歲時佢又返到河內,做咗遠東學院嘅漢學教授,之後歷任過法國啲大學嘅教授。

中亞探險[編輯]

伯希和嘅探險團喺1906年6月17號離開巴黎,向中亞探險。佢嘅隊員有軍醫路易·韋楊Louis Vaillant)博士、攝影師沙勒·努兀(Charles Nouette)。呢三人經由鐵道,從莫斯科移動到塔什干,入到中屬突厥斯坦地域,1906年8月尾時探險隊到咗喀什,同俄國總督一齊住,停留喺俄國總領事館。伯希和流暢嘅中文驚豔咗當地嘅中國官僚,佢嘅努力好快就見到成果:攞到重要嘅協助同資源,爲探險準備攞到各類便利。

探險隊離開喀什,停泊嘅第一站係圖木舒克,從呢度入到庫車。喺庫車嗰度發現咗多份文書,係用好似婆羅米字嘅文字(後來稱呼做吐火羅文字)寫嘅失傳語言(之後,確認佢係吐火羅文嘅乙種方言龜茲話)。呢啲文書之後畀伯希和嘅老師薛旺·李維法文Sylvain Lévi解讀出來。

離開咗庫車,伯希和去咗烏魯木齊,喺嗰度探險隊遇到咗瀾國公中文載瀾。瀾國公同佢嘅兄弟都係義和團嘅首魁,所以處於終身流配嘅狀態。伯希和喺佢度見到咗敦煌出土嘅《法華經》古寫本,於是趕赴敦煌。伯希和探險隊最後停腳嘅地方就喺敦煌,就喺嗰度伯希和掙得佢嘅名聲,喺1908年2月12號到達。

喺敦煌伯希和對王圓籙藏經洞有所聞,於是接近佢度。英國探險家斯坦因喺上年1907年訪問過敦煌莫高窟,搦走七千份古文書,流出咗消息,淨低嘅文書仲好多,有份量龐大嘅古書籍同各種版本,以及好多藝術作品。伯希和同看守莫高窟嘅王道士交涉,允許咗佢入藏經洞。喺呢度伯希和流暢嘅中文又再次有用,就好似喺喀什時噉發揮實力。

伯希和用咗三個禮拜去調查藏經洞嘅古文書版本,分析後選出最有價值嘅文書數千卷,就買賣事宜同王圓籙交涉,說服咗佢。王圓籙計劃再建莫高窟,個預算有必要,於是承諾用500兩(約90英鎊)賣出呢個莫大嘅份量。因爲斯坦因唔識中文,佢帶趄歸嘅文書有好多係冇價值嘅嘢,而伯希和通曉包含中文在內嘅13國語種,選出嘅文書冚唪唥都係絕品。當中包含有新發現嘅新羅僧人慧超嘅《往五天竺國傳》。

之後[編輯]

伯希和一行人喺1909年10月24號返到巴黎,意外噉畀老師沙畹等班遠東學院嘅同僚激烈噉非難,起訴伯希和佢哋浪費公幣而帶返來啲僞造文書,話佢哋有醜惡嘅陰謀。佢哋認爲斯坦因帶走敦煌文書去後,已經乜嘢都冇淨。不過結果喺1912年斯坦因出版咗探險旅行記,公佈話喺敦煌仲有大量文書淨低,對伯希和嘅懷疑先至一天光曬,認證咗佢無罪。

之後,佢發表咗《敦煌千佛洞》等好多研究書,對東方研究有好大影響,喺第一次世界大戰時佢作爲法國武官駐留喺北京,喺1945年因癌症喺巴黎死去。有人評價話「若果冇咗伯希和,漢學會變成孤兒」,公認係漢學嘅偉大學者。巴黎嘅吉美美術館法文Musée national des arts asiatiques - Guimet有個畫廊用伯希和起名,佢所寫嘅好多文書都保存喺法國國立圖書館

意義[編輯]

伯希和發掘出慧超嘅《往五天竺國傳》係佢嘅核心貢獻,另外佢又翻譯咗周達觀嘅《真臘風土記》入西洋,對吳哥遺蹟嘅復原有莫大嘅貢獻。

睇埋[編輯]

出面網頁[編輯]